Kryeministri i vendit, Albin Kurti ka folur për takimin me përfaqësuesin e Posaçëm të Bashkimit Evropian për dialogun Kosovë-Serbi, Miroslav Lajçak.

Në llogarinë e tij në Twitter, Kurti ka thënë se është diskutuar për dialogun e Brukselit.

Kurti tha se përsëriti angazhimin ndaj kuadrit të përgjithshëm të marrëveshjes ligjërisht të detyrueshme të përqendruar në njohjen reciproke.

“Sot mirëprita përfaqësuesin e BE-së për dialogun Kosovë-Serbi, Miroslav Lajçak. Ne diskutuam për dialogun e Brukselit. Përsërita angazhimin tonë ndaj kuadrit të përgjithshëm të marrëveshjes ligjërisht të detyrueshme të përqendruar në njohjen reciproke. Raporti i KE-së për Kosovën u vu re si një nga më të mirët në rajon”, shkroi Kurti.

Ndërkaq, Lajçak të enjten deklaroi para mediave se dy Kosova dhe Serbia nuk duhet të shpërdorin mundësinë e arritjes së një marrëveshjeje për normalizimin e raporteve.

“Nuk do të thosha që viti tjetër është vendimtar, por e kam thënë më shumë se një herë se e kemi këtë dritare mundësie që do të zgjasë deri në zgjedhjet evropiane dhe amerikane më 2024. Mendoj që është përgjegjësia jonë që të mos e shpërdorojmë këtë mundësi”, tha Lajçak, kur u pyet nëse vitin e ardhshëm Kosova dhe Serbia do të mund të arrijnë ndonjë marrëveshje.

Për çështjen e targave Lajçak theksoi se 31 tetori është afati i fundit kur edhe skadon vendimi për to, derisa theksoi se bashkësia ndërkombëtare dëshiron të shoh se si të vazhdoj tutje dhe të shmangin ndonjë përshkallëzim të mundshëm të situatës.

Diplomati evropian tha se me Kurtin ka biseduar për çështjen e çuarjes përpara të normalizimit, për targat dhe energjinë. /arbresh.info/

Today I welcomed 🇪🇺EUSR @MiroslavLajcak to Kosova. We discussed the Brussels dialogue. I reiterated our commitment to the general framework of the legally binding agreement centered on mutual recognition. The EC 🇽🇰Country Report was noted as one of the best in the region. pic.twitter.com/HUSFs0Fm6f

— Albin Kurti (@albinkurti) October 13, 2022